Priessboł
Siońnia žanočaja zbornaja Biełarusi (hałoŭny trenier — Anatol Bujalski) praviadzie na čempijanacie Jeŭropy pa basktbole matč suprać mocnaj zbornaj Francyi (hulnia pačniecca ŭ 21:30, Biełaruś-5).
Pa vynikach dnia vyrašycca, ci kročyć naša zbornaja ŭ 1/4 finału (a heta aznačaje, što praciahnie baraćbu za pucioŭku na Alimpijadu ŭ Rya), abo zavieršyć baraćbu.
Na papiarednim etapie biełaruskija dziaŭčaty pieramahli va ŭsich čatyroch matčach (Italija, Polšča, Turcyja, Hrecyja), vyjšli dalej ź pieršaha miesca, ale ŭ 2-m raŭndzie paciarpieli dvie parazy: ad Čechii i Čarnahoryi.
I tamu siońnia — vyrašalny dzień.
Turcyja — 7 (4), Francyja — 7 (4), Čarnahoryja — 6 (4), Biełaruś — 6 (4), Hrecyja — 5 (4), Čechija — 5 (4).
Za pieramohu dajecca dva bały, za parazu — adno
Pieramoha nad Francyjaj u lubym vypadku harantuje biełaruskam miesca ŭ płej-of.
Ale francužanki ŭ baskietbole, heta jak ich mužčyny ŭ futbole.
Ale pierad matčam Biełaruś — Francyja, projdzie dva inšyja pajadynki ŭ hrupie: Turcyja — Čechija (16:30) i Čarnahoryja — Hrecyja (19:00).
Pieramoha Turcyi, naprykład, harantuje biełaruskam pucioŭku ŭ płej-of.
A voś kali Turcyja prajhraje, to ŭsie nadziei na pieramohu biełarusak nad Francyjaj.