Z 21 červienia ŭ Biełarusi adkryvajecca papiaredni zakaz na smartfony Apple — iPhone 5s, iPhone 6 i iPhone 6 Plus. Jak raspavioŭ 42.TUT.BY Apple Premium Reseller i-Store, cana na fłahmanski iPhone 6 u Biełarusi pačynajecca ad 14,8 miljona rubloŭ.
Nahadajem, u biełarusaŭ upieršyniu źjavicca mahčymaść aficyjna kupić smartfony Apple u svajoj krainie. Da hetaha ŭ nas isnavaŭ tolki «šery» rynak hetych pryład. Z 26 červienia iPhone 5s, iPhone 6 i iPhone 6 Plus źjaviacca va ŭsich bujnych roźničnych sietkach krainy («Jevrosieť», «Na śviazi», «5-y elemient», «Ałło», «Elektrasiła», «Karona Techna» i inšych ), u sałonach apieratara life:) i ŭ kramie i-Store.
Takim čynam za 16 HB viersiju iPhone 5s daviadziecca addać 12,5 miljona rubloŭ (daviedačna tut i nižej: prykładna 820 dalaraŭ pa siońniašnim kursie), 32 HB varyjant budzie kaštavać 13,5 miljona rubloŭ (prykładna 880 dalaraŭ).
Košt iPhone 6 16/64/128 HB składzie 14,8/17/19,3 miljona rubloŭ adpaviedna (prykładna 970/1110/1260 dalaraŭ).
Płanšetafon iPhone 6 Plus (16/64/128 HB) abyjdziecca biełaruskamu pakupniku ŭ 17/19,3/21,5 miljona rubloŭ adpaviedna (prykładna 1110/1260/1410 dalaraŭ).
Varta adznačyć, što hetyja ceny rehuluje niepasredna Apple sumiesna z adzinym aŭtaryzavanym dystrybjutaram ŭ Biełarusi — kampanijaj ASBIS. I ich abaviazany vykonvać usie aŭtaryzavanyja partniory na terytoryi krainy.
Dla paraŭnańnia
U susiedniaj Rasii aficyjnyja iPhone 6 16/64/128 HB kaštujuć 910/1040/1170 dalaraŭ (u dalarach pa biahučym kursie), iPhone 6 Plus 16/64/128 HB - 1040/1170/1300 dalaraŭ.
U Hiermanii iPhone 6 možna aficyjna kupić za 699/799/899 jeŭra (prykładna 790/910/1020 dalaraŭ), iPhone 6 Plus - za 799/899/999 jeŭra (910/1020/1130 dalaraŭ).
«Šeryja» ceny na iPhone 6 u Biełarusi pačynajucca ad 10 miljonaŭ rubloŭ/
