Dva incydenty sa stralboj adbylisia ŭ noč na niadzielu ŭ amierykanskich štatach Mičyhan i Piensilvanija na fonie mahutnaha rezanansu, jaki atrymaŭ rasstreł 17 červienia ŭ Paŭdniovaj Karalinie dzieviaciarych afraamierykancaŭ ŭ adnoj z cerkvaŭ.
Reuters.com
U Detrojcie (štat Mičyhan) adzin čałaviek zahinuŭ i jašče dzieviać atrymali ranieńni ŭ vyniku stralby na baskietbolnaj placoŭcy, dzie prachodziła śviatkavańnie dziciačaha dnia naradžeńnia. Achviaraj stralby staŭ 21-hadovy mužčyna, imia jakoha nie nazyvajecca. Nichto ź dziaciej nie paciarpieŭ.
Adnačasova z hetym u zachodniaj Fiładelfii (štat Piensilvanija) ŭzbrojeny mužčyna adkryŭ stralbu na adnoj z vulic horada, dzie ludzi sabralisia na piknik, paraniŭšy siemiarych čałaviek, u tym liku dvaich dziaciej va ŭzroście dvuch i 10 hadoŭ.
«Vyhladaje tak, jak byccam jany adkryli biazładny ahoń pa ŭsich, kaho sustrakali na svaim šlachu», - cytuje telekanał WCAU-TV pradstaŭnika miascovaj palicyi Džona Ŭokiera.
Pryčyny napadaŭ nieviadomyja, u abodvuch vypadkach pakul taksama niama infarmacyi pra asobu strałkoŭ. U Detrojcie, jak paviedamlajecca, palicyja zatrymała adnaho čałavieka dla dopytu, ale aryštavanych pa spravie pakul niama.
17 červienia 21-hadovy Dyłan Ruf na hlebie rasavaj nianaviści rasstralaŭ dzieviaciarych afraamierykancaŭ ŭ adnoj z cerkvaŭ u Čarłston (Paŭdniovaja Karalina). Amierykanskija ŭłady razhladajuć toje, što zdaryłasia, jak terarystyčny akt.
Rufu ŭ piatnicu było pradjaŭlenaje abvinavačvańnie ŭ zabojstvie dzieviaci čałaviek. Da hetaha jon byŭ aryštavany ŭ susiednim štacie Paŭnočnaja Karalina paśla pošukaŭ, jakija doŭžylisia amal sutki. Napadnik pryznaŭ svaju vinu.