Etna-elektronny prajekt śpiavački Rusi Shuma pradstaviŭ u anhary bara «Chulihan» svoj pieršy poŭnafarmatny albom «Žnivo».
Viečaryna doŭžyłasia z 9-j viečara da 6 ranicy. Razam z Shuma vystupali dydžei Nick Cherny, Raketka, Dee Flack, Magic, Likedill dy Shumaboy.
Varta adznačyć, što padčas dydžejskich setaŭ pad scenaj było ŭdvaja mienš narodu, čym na kuryłcy la vychadu z bara — bolšaść słuchačoŭ pryšła na Rusiu.
Trek z alboma «Žnivo»:
Hurt Shuma ŭtvaryŭsia ŭ 2012 hodzie, u 2013-m vydaŭ mini-albom «Zołak». Vakalistki Rusia i Nadzieja Čuhunova razam z multyinstrumientalistam Alaksiejem Budźko i saŭnd-pradziusarami Nikam Čornym i Alaksiejem Karabiejnikam spałučajuć elektronnuju muzyku z archaičnymi biełaruskimi śpievami. Da 2010 hoda Rusia brała ŭdzieł u rok-hurcie Indiga, u składzie jakoha była nazvanaja «Rok-kniazioŭnaj» na «Rok-karanacyi» ŭ 2006 hodzie.
Čytajcie taksama: Śpiavačka Rusia stała hołasam čyhunačnych vakzałaŭ Biełarusi
