20 červienia na małoj radzimie Vasila Bykava ŭ vioscy Byčki adbyłosia ŭručeńnie premii, jakuju zasnavaŭ ruch «Za Svabodu», «Za svabodu dumki» imia Vasila Bykava! Sioletnim łaŭreatam premii staŭ narodny paet Biełarusi Nił Hilevič.
Udzieł u imprezie, jakuju viadzie akcior, viadučy «Padarožžaŭ dyletanta» Juryj Žyhamont i padčas jakoj vystupić Lavon Volski, uziali bolš za sto čałaviek.
Siadziba-muziej Vasila Bykava ŭ Byčkach.
Hości i ŭdzielniki premii.
Viadoŭca premii - Juryj Žyhamont.
Mastak Aleś Maračkin abviaščaje łaŭreata premii hetaha hoda.
Hanarovy dypłom premii.
Siastra Vasila Bykava Valancina (źleva) pad ścienami rodnaj chaty-muzieja.
Statuetka premii «Za svabodu dumki».
Ladar ruchu «Za svabodu» i idejny natchnialnik premii Alaksandar Milinkievič.
Vystupaje Lavon Volski.
Siarod ich takija viadomyja asoby, jak były staršynia Nacbanka, prafiesar Stanisłaŭ Bahdankievič, mastaki Aleś Maračkin, Mikoła Kupava i Aleś Puškin, ekanamist Siarhiej Čały, bard Viktar Šałkievič, historyk Leanid Łyč, paety Andrej Chadanovič i Michaś Skobła, pierakładčyk Lavon Barščeŭski.
Na žal, pa stanie zdaroŭja Nił Hilevič (paetu 83 hady) nie zdoleŭ pryjechać u Byčki: uznaharoda budzie pieradadziena jamu paźniej u Minsku. Ale na mierapryjemstvie prahučaŭ aŭdyjovystup paeta, u jakim jon parazvažaŭ pra misiju nośbitaŭ svabodnych dumak.
«Praz usiu historyju čałaviectva ludzi, nadzielenyja ŭ naležnaj miery pačućciom hramadzianskaj hodnaści, daražyli bolš za ŭsio svabodaj dumki. Viadoma, i ludzi śvietu mastactva — paety, muzyki, žyvapiscy, skulptary. A, moža, i ŭ pieršuju čarhu jany, bo ichniaja žyćciovaja misija — vyŭlać siabie, svaju dušu. Što, jakuju dušu vyŭlaješ, mastak? Dušu svabodnaha hramadzianina ci dušu chałuja i lokaja? Kamu słužyš — praŭdzie ci chłuśni? — razvažaje Nił Hilevič. — Kamu molišsia — niebu ci załatomu cialcu? Tut vodapadzieł pamiž tvorcami sapraŭdnymi, vartymi ludskoj pavahi, i siervilnymi prystasavancami ŭ mastactvie, jakija na pavahu svajho narodu raźličvać nie majuć prava».
Daviedka:
Premija «Za svabodu dumki» imia Vasila Bykava zasnavanaja lidaram Ruchu «Za Svabodu» ŭ 2008 hodzie. Ideja ŭźnikła paśla atrymańnia Alaksandram Milinkievičam premii «Za svabodu dumki» imia Andreja Sacharava, jakuju ŭručaje Jeŭraparłamient.
Premijaj «Za svabodu dumki» ŭznaharodžvajucca asoby, jakija prajavili siabie hramadskaj i tvorčaj dziejnaściu na karyść Biełarusi i Svabody.
Łaŭreatami premii minułymi hadami stanavilisia litaratary Ryhor Baradulin, Uładzimir Arłoŭ, palityk-litaratar Pavieł Sieviaryniec, mastak Aleś Puškin, krajaznaŭca Ada Rajčonak, palityk-paet Uładzimir Niaklajeŭ, muzyka Lavon Volski i krajaznaŭca Aleś Biełakoz, muzyka Źmicier Vajciuškievič, mastak Aleś Maračkin, akcior Viktar Šałkievič.
«Łaŭreataŭ premii «Za svabodu dumki» vyznačaje nie Ruch «Za Svabodu», a vybitnyja ludzi Biełarusi.
