U Minsku zatrymany člen rady dyrektaraŭ hornazdabyŭnoj kampanii «Interhiea», jakaja ŭvachodzić u hrupu «Aneksim» rasijskaha miljardera Michaiła Procharava, Maksim Finski. Pra heta paviedamlajuć rasijskija ŚMI.

Fota kommersant.ru.

Fota kommersant.ru.

Finski byŭ zatrymany ŭ Nacyjanalnym aeraporcie Minsk padčas rehistracyi na rejs, jaki vylataje ŭ Frankfurt. Pa źviestkach «Novoj haziety», pamiežniki zasumniavalisia ŭ sapraŭdnaści pašparta na imia Ułasava, jaki byŭ pradastaŭleny Finskim. Dadatkovaja pravierka pakazała: pašpart falšyvy. Vyśvietliłasia, što skarystacca falšyvym pašpartam Finski vyrašyŭ paśla ŭciokaŭ z Maskvy, dzie jon znachodziŭsia pad chatnim aryštam. Da Minska Finski dabraŭsia na aŭtamabili słužby biaśpieki Procharava.

Pavodle infarmacyi Masharsuda, u dačynieńni da Maksima Finskaha zaviedziena kryminalnaja sprava pa č. 4 art. 159 KK RF (Machlarstva, ździejśnienaje arhanizavanaj hrupaj albo ŭ asabliva bujnym pamiery). Pa źviestkach rasijskich ŚMI, nahodaj dla rasśledavańnia stała zajava banka VTB z nahody niepahašanaha kredytu, vydadzienaha kanadskaj kampanii White Tiger Gold, kantralavanaj Maksimam Finskim, a apieratyŭnaje supravadžeńnie spravy ažyćciaŭlaje FSB Rasii. U siaredzinie krasavika Finskaha źmiaścili ŭ SIZA «Lefortava», ale tam jon pravioŭ kala tydnia i byŭ pieraviedzieny pad chatni aryšt.

Ciapier Maksim Finski znachodzicca ŭ śledčym izalatary KDB Biełarusi, u jakim u 2013 hodzie kala miesiaca prasiadzieŭ hiendyrektar «Urałkalija» Uładzisłaŭ Baŭmhiertnier.

U hrupie «Aneksim» admovilisia ad kamientaroŭ. 

Na nastupny dzień, 29 maja, načalnik pres-słužby KDB Dźmitryj Pabiaržyn paviedamiŭ, što KDB Biełarusi nie maje dačynieńnia da zatrymańnia Maksima Finskaha.

«U SIZA KDB Maksim Finski nie znachodzicca, Kamitet nie maje dačynieńnia da jaho zatrymańnia», — skazaŭ Dźmitryj Pabiaržyn.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?