U Kramli admaŭlajuć svajo dačynieńnie da adchileńnia zasnavalnika «UKantakcie» Paŭła Durava ad kiraŭnictva sacyjalnaj sietkaj.

AP

AP

«Tak nie było», — skazaŭ pres-sakratar prezidenta RF Dźmitryj Piaskoŭ, adkazvajučy na prośbu žurnalistaŭ prakamientavać vykazvańnie Durava, jakrie źjaviłasia ŭ CMI, što nibyta Kreml adabraŭ u jaho kampaniju i patrabavaŭ vydalić staronku apazicyjaniera Alaksieja Navalnaha ŭ sacsietcy.

Pa słovach pres-sakratara kiraŭnika dziaržavy, treba pytacca ŭ zasnavalnika «UKantakcie», jak adbyvaŭsia jaho sychod z kampanii.

«Jak Kreml moža adymać kampaniju? Jak Kreml moh patrabavać zakryćcia staronak? Tak nielha kazać, što Kreml patrabavaŭ, možna skazać, što z Kramla telefanavaŭ Piatroŭ-Sidaraŭ, naprykład, ci jašče niechta… Tut treba ŭsio-tki być bolš kankretnym, tym bolš, kali vykazvajucca takija pretenzii. Hetyja pretenzii pavinny być čymści padmacavanyja», — adznačyŭ Piaskoŭ.

Svaju apošniuju dolu ŭ sacyjalnaj sietcy pamieram u 12% Duraŭ pradaŭ u studzieni 2014 hiendyrektaru «Miehafona» Ivanu Taŭrynu. Duraŭ zastavaŭsia hiendyrektaram, adnak 1 krasavika 2014 hoda jon niečakana paviedamiŭ, što pakidaje «UKantakcie». Praz dva dni jon nazvaŭ svaju zajavu «pieršakrasavickim žartam».

Paźniej «Ukantakcie» paviedamiła, što Duraŭ padaŭ zajavu ab zvalnieńni 21 sakavika, nie adklikaŭ jaje na praciahu miesiaca i tamu byŭ vyzvaleny ad pasady. Sam zasnavalnik sacsietki śćviardžaŭ, što adklikaŭ zajavu, i rada dyrektaraŭ 3 krasavika hety vodhuk pryniała. U kancy krasavika minułaha hoda Duraŭ pakinuŭ Rasiju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?