Arhanizacyjami Minska ŭsich form ułasnaści ŭ studzieni—krasaviku 2015 hoda pabudavana 3.907 novych kvater (u studzieni—krasaviku 2014 hoda — 5.319). Uviedziena ŭ ekspłuatacyju 283,6 tys. kvadratnych mietraŭ ahulnaj płoščy žylla, što składaje 31,5% da praduhledžanaha zadańnia na hod i na 24,3% mienš za ŭzrovień studzienia—krasavika 2014 hoda, paviedamili ŭ hałoŭnym statystyčnym upraŭleńni Minska. 

Dla hramadzian, jakija znachodziacca na ŭliku dla palapšeńnia žyllovych umoŭ, uviedziena ŭ ekspłuatacyju 77,2 tys. kvadratnych mietraŭ ahulnaj płoščy, ci 27,2% ad ahulnaha abjomu ŭviedzienaha žylla. U paraŭnańni sa studzieniem—krasavikom 2014 hoda ŭvod u ekspłuatacyju žylla dla hetaj katehoryi hramadzian źmienšyŭsia na 67,8 tys. kvadratnych mietraŭ. 

Z ahulnaha abjomu ŭviedzienaha žylla dla hramadzian, jakija znachodziacca na ŭliku dla palapšeńnia žyllovych umoŭ, z vykarystańniem dziaržaŭnaj padtrymki pabudavana 29,1 tys. kvadratnych mietraŭ. 

U studzieni—krasaviku 2015 hoda na budaŭnictva žylla vykarystana 2 trłn 458,8 młrd rubloŭ inviestycyj u asnoŭny kapitał, što składaje 23,2% da ahulnaha abjomu inviestycyj i 72,7% da ŭzroŭniu studzienia—krasavika 2014 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?