Kiraŭnik Rady nacyjanalnaj biaśpieki Ŭkrainy Alaksandr Turčynaŭ zajaviŭ, što Kijeŭ adkryty dla raźmiaščeńnia elementaŭ systemy supraćrakietnaj abarony ZŠA na terytoryi Ŭkrainy. Pavodle jaho, heta nieabchodna, kab procidziejničać patencyjnaj ryzycy napadu z boku Rasiei.

Alaksandr Turčynaŭ paviedamiŭ ahienctvu Ukrinform 20 traŭnia, što ŭ suviazi ź nieabchodnaściu abaranić siabie ad jadziernaj pahrozy z boku Rasiei varta pravieści kansultacyi pa razhortvańni kampanentaŭ systemy supraćrakietnaj abarony na terytoryi Ŭkrainy.

U Maskvie pres-sakratar Kramla Dźmitryj Piaskoŭ zajaviŭ, što Rasieja budzie razhladać pytańnie ab raźmiaščeńni takich kampanentaŭ va Ŭkrainie jak «pahrozu biaśpiecy Rasiei». «Heta paciahnie za saboj nieabchodnaść pryniaćcia zachadaŭ u adkaz», — dadaŭ jon.

Maskva raniej krytykavała plany budaŭnictva systemy supraćrakietnaj abarony ŭ Eŭropie. ZŠA nieadnarazova zajaŭlali, što systema nie skiravana suprać Rasiei, a maje praduchilić ataku z boku takoj krainy, jak Iran.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?