Karystalnik reddit pad niknejmam mattsawizard praličyŭ, jakuju adlehłaść prajšli Froda i Sem, hieroi knih «Uładar Piarścionkaŭ» Dž. R. R. Tołkijena. Hetuju vandroŭku jon nakłaŭ na mapu Vialikabrytanii.

Sumarnaja adlehłaść vandroŭki ad Šyra da Aradruina skłała 1350 mil — bolš za dźvie tysiačy kiłamietraŭ. Stolki ž, kali iści naŭprost ad Viciebska da Paryža.

«Naša Niva» nakłała padarožža chobitaŭ na kartu Biełarusi. Pramoj darohi nie vyjdzie — nie takaja vialikaja Biełaruś, jakim vialikim było padarožža Froda i Sema.

Kali ŭjavić, što Šyr u nas u Žłobinie, to daroha da Pryhorja roŭnaja darozie da Minska. Z Pryhorja da Ryviendeła iści doŭha — kab nie vychodzić za miežy Biełarusi, ujavim, što chobity kala Lidy napatkali nazhułaŭ i pačali błytać ślady (prabač, Hrodna). Uzdoŭž miažy jany prajšli praz Astraviec (mahli b tam i pakinuć złaščasny piarścionak!) i dajšli da Mioraŭ-Ryviendeła.

Adtul užo cełym Braterstvam Piarścionka jany pojduć da Moryi. Takaja doŭhaja daroha daviadzie až da Oršy — Mhlistych hor tam niama, ale kažuć, što miesca dla bitvy z orkami pad Oršaj dobraje. Z Moryi elfy skirujuć braterstva pa Anduinie-Dniapry.

Braterstva raspadziecca ažno pad Łojevam — adtul Sem i Froda pojduć da Mordara sami pa bałotach Paleśsia. Niedzie tam jany sustrenuć Hołuma, jaki daviadzie ich da Čornaj bramy Turava. Adtul Hołum skiruje ich da krepaści nazhułaŭ Minas Morhuł. Pavučychu Šełab jany sustrenuć niedzie pad Ivanava.

Pa pustynnych ziemlach Mordara chobity dojduć da samaha Bresta. Dzie tam Aradruin — nieviadoma. Peŭna, pryjdziecca skidać piarścionak (razam z Hołumam i palcam Froda) prosta z mosta ŭ Muchaviec.

A ci prajšli b vy takuju darohu dziela ratavańnia Mižziemja?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?