Biełaruś aktyŭna ŭkaraniaje finski vopyt viadzieńnia lasnoj haspadarki, paviedamiŭ 20 maja žurnalistam pieršy namieśnik ministra lasnoj haspadarki Biełarusi Alaksandr Kulik na adkryćci mižnarodnaj śpiecyjalizavanaj vystavy «Lesdreŭtech» u Minsku.

«Kiraŭnik dziaržavy ŭ žniŭni 2014 hoda pastaviŭ zadaču ab pierachodzie na suśvietnyja mietady viadzieńnia lasnoj haspadarki, u pieršuju čarhu Finlandyi. Siarod ich — raźvićcio hadavalnickaj haspadarki, stvareńnie pasadačnaha materyjału z zakrytaj karaniovaj sistemaj. Tut dva momanty — ekałahičny i ekanamičny. Mietad z zakrytaj karaniovaj sistemaj dazvalaje ekanomić na kolkaści dreŭ i atrymlivać amal 100-pracentnuju pryžyvalnaść. Dla hetaha ŭ nas jość mahčymaści, jość sielekcyjny centr, dzie hetaja technałohija adładžana», — skazaŭ pieršy namieśnik ministra. Pavodle jaho słoŭ, budujucca jašče čatyry centry. 

Sioleta płanujecca vyraścić kala 8,2 młn dreŭ z zakrytaj karaniovaj sistemaj, da 2020 hoda stavicca zadača pa vyroščvańni 30 młn dreŭ. 

Jon adznačyŭ, što na mety raźvićcia biełaruskaj lasnoj haspadarki Suśvietny bank vydzialaje kala 41 młn. dołaraŭ. «Hetyja srodki ŭ pieršuju čarhu buduć patračany na zakupku linij vysievu, raźvićcio sučasnaj ciapličnaj haspadarki, abnaŭleńnie parku pažarnych mašyn, zakupku charviesteraŭ i farvarderaŭ», — skazaŭ Kulik. 

«Nastupny kirunak — poŭnaje vykarystańnie lasnych resursaŭ, heta značyć vykarystańnie parubačnych reštkaŭ, vyrab paliŭnaj dranki, draŭnianaha paliva (pielety i brykiety). U nas jość technałohii, i jany aktyŭna vykarystoŭvajucca», — adznačyŭ pieršy namieśnik ministra.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?