Vieteran Druhoj suśvietnaj vajny i byłaja lotčyca cyvilnaj arhanizacyi «Air Transport Auxiliary» Džoj Łoftchaŭs u svaje 92 hady sieła za šturvał lubimaha «Śpitfajera» z nahody 70-hodździa pieramohi, raspaviadaje BBC. Palot prajšoŭ jašče na pačatku maja, ale ciapier videa pačało imkliva raźlatacca pa internecie.

Łoftchaŭs była adnoj ź niešmatlikich žančyn-lotčykaŭ Brytanii ŭ čas Druhoj suśvietnaj. Jana ŭvachodziła ŭ całkam žanočaje padraździaleńnie «Attagirls».

Jaje pracaj na vajnie byŭ pierahon samalotaŭ ź linii frontu da zavodaŭ dla ramontu. Za vajnu jana latała na 18 roznych madelach, ale «Śpitfajer» zaniaŭ u jaje sercy asablivaje miesca.

Łoftchaŭs u maładości

Łoftchaŭs u maładości

Žančyna ŭžo nie nastolki ŭpeŭnienaja ŭ svaich siłach, jak to było dziasiatki hod tamu. Jana kaža, što «ŭ kursie svajho ŭzrostu», ale nie strymałasia ad spakusy znoŭ palatać — za šturvał jana nie siadała z kanca vajny.

«Niechta ŭvieś čas razmaŭlaŭ sa mnoj, ja da takoha nie zvykła, — skazała jana paśla palotu. — U nas nie było suviazi. Jak tolki my ŭźlatali, było absalutnaje maŭčańnie. Heta vielmi adroźnivajecca ad taho, jak siońnia niechta ŭvieś čas razmaŭlaje. Ja bajałasia, što kali skažu niešta, pieraškodžu piłotu pačuć štości važnaje».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?