Fiederalnaja słužba biaśpieki (FSB) Rasii ŭ sieradu paviedamiła pra zatrymańnie hramadzianina Litvy, jakoha padazrajuć u špijanažy na karyść krainy.

Pres-słužba FSB paviedamlaje, što padazravany byŭ zatrymany 19 maja ŭ Maskvie z dokazami złačynstva.

«19 maja FSB Rasii ŭ Maskvie zatrymany litoŭski hramadzianin, supracoŭnik nielehalnaj raźviedki Litoŭskaj respubliki. Zamiežny raźviedčyk byŭ zachopleny na miescy złačynstva pry atrymańni ad rasijskaha hramadzianina dakumientalnaj sakretnaj infarmacyi», — paviedamili ŭ sieradu «Interfaksu» u CAS FSB.

«Paśla pradjaŭleńnia dokazaŭ jon daŭ pryznalnyja pakazańni, što źjaŭlajecca aficeram Druhoha departamienta apieratyŭnych słužbaŭ (vajennaja raźviedka) Ministerstva achovy kraju Litoŭskaj respubliki», — zajavili ŭ Centry hramadskich suviaziaŭ FSB Rasii.

Hramadzianin Litvy znachodzicca ŭ śledčym izalatary «Lefortava».

«Takuju nfarmacyju Ministerstva abarony nie kamientuje», — skazała partału DELFI pres-sakratar MA Asta Haldzikajcie.

Hramadzianin Litvy byŭ zatrymany praz try tydni paśla taho, jak litoŭskija pravaachoŭniki zatrymali hramadzianina Litvy, jaki, pa słovach prakuroraŭ, byŭ supracoŭnikam FSB. Tady pravaachova paviedamlała, što 29 krasavika byŭ zatrymany rasijanin, jaki «chacieŭ prabraccaja ŭ kirujučyja viedamstva ŁR, słužby pravaachovy i kiravańnia».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?