Kampanija Vortex Bladeless prapanavała vietrahienieratary ŭ formie słupkoŭ, piša From Quarks to Quasars. Hrošy na realizacyju prajektu aŭtary źbiaruć anłajn.
U adroźnieńnie ad tradycyjnych vietrakoŭ, biazłopaścievyja vietraki buduć dolej pracavać, mieniej šumieć i nie zabivać ptušak. Dy mohuć być udvaja taniej za łopaścievyja anałahi.
Elektryčnaść ad vietru možna zdabyvać nie tolki «ŭ łob». Biazłopaścievy viatrak składajecca ź nižniaj nieruchomaj častki i vierchniaj ruchomaj. Vierchniaja častka maje niaroŭnuju pavierchniu. Vakoł jaje ŭtvarajucca mikravichury, zdolnyja raschistać kanstrukcyju. Ruch vierchniaj častki praličany tak, kab miž im i vietram uźnikaŭ rezanans, sumna viadomy avijakanstruktaram.
Pakul aŭtary prajektu pracujuć ź nievialikimi pratatypami vyšynioj da 7 mietraŭ i mahutnaściu niekalki kVt. Ale kanstrukcyju možna maštabavać da miehavata. U pieršy čas raspracoŭščyki płanujuć vypuskać madeli dla pryvatnaha vykarystańnia na 4 kVt dla rabočych chutkaściej vietru ad 3 da 15 m/s.
Takija vietraki «łoviać» na 30% mienš enierhii za tradycyjnyja. Ale kanstrukcyja ź minimalnaj kolkaściu detalej daje ŭ vyniku ŭdvaja nižejšuju canu aparataŭ, daŭžejšy termin pracy i mienšy šum. A adsutnaść łopaściej uratuje bieźlič ptušak, jakija štohod hinuć ad łopaściej, dy kažanoŭ, jakija hinuć ad vietranaha cisku za 100 mietraŭ ad tradycyjnych vietrakoŭ.
Vyjava: Vortex Bladeless
Ideju biazłopaścievych vietrakoŭ vyvučali jašče ŭ 1980-ch, ale tady inžynieraŭ turbavali vahańni vierchniaj častki mačty vietraka — ličyłasia, što kanstrukcyja nienadziejnaja. Ciapier, jak zajaŭlajuć raspracoŭščyki, aparat dastatkova biaśpiečny i navat bolš tryvały za tradycyjny «młyn».
