Urad Ukrainy padpisaŭ pahadnieńnie z uradam ZŠA ab pradastaŭleńni kredytnych harantyj na $1 młrd.
Ad ukrainskaha boku dakumient padpisała ministr finansaŭ Natalla Jareśka, ad amierykanskaha — pasoł ZŠA va Ukrainie Džefry Pajet, a taksama dyrektar misii Ahienctva mižnarodnaha raźvićcia ZŠA (USAID) Džed Bartan.
Raniej Jareśka zajaŭlała, što ZŠA pradastaviać Ukrainie $2 młrd pad kredytnyja harantyi, pałavinu z hetaj sumy Ukraina atrymaje «paśla majskich śviataŭ». Pavodle jaje słoŭ, Kijeŭ maje namier vypuścić jeŭraablihacyi na $1 młrd.
U studzieni 2015 hoda kiraŭnik Minfina Ukrainy i ministr finansaŭ ZŠA Džejkab Lju padpisali dekłaracyju ab supracoŭnictvie ŭ śfiery pradastaŭleńnia kredytnych harantyj. Pavodle słoŭ Jareśka, damoŭlenaść praduhledžvaje pradastaŭleńnie harantyj «u abjomie $2 młrd». Jareśka adznačyła, što heta daść mahčymaść pradaŭžać praviadzieńnie reform va Ukrainie, «pryciahvać mižnarodnaje finansavańnie i pazyki».
