Zasnavalnik vostraha sajta 1863x.com, jaki časam publikavaŭ śmiełyja rasśledavańni, druhi tydzień nie źjaŭlajecca ŭ siecivie.
Piersanaž, viadomy ŭ internecie jak Jhon Silver, nie vychodzić na suviaź z 4 maja. Hetym ža dniom datujecca jahonaja apošniaja publikacyja ŭ sacyjalnaj sietcy Facebook.
Sajt vioŭsia jahonym zasnavalnikam na ŭmovach poŭnaj ananimnaści – nichto nie viedaje ni jahonaha sapraŭdnaha imia, ni proźvišča, ni vyhladu. Tamu Internet źjaŭlajecca adzinym srodkam suviazi ź im. Praź jaho jon trymaŭ suviaź z aŭtarami i davaŭ intervju. Jak paviedamlajuć krynicy, blizkija da čałavieka, viadomaha jak Jhon Silver, z 4 maja jon taksama nie adkazvaje na asabistyja paviedamleńni ni ŭ adnoj z sacyjalnych sietak. Ci jon byŭ zatrymany? Ci loh na dno? U fejsbuku vykazvajuć samyja tryvožnyja hipotezy.
Kali Vam niešta viadoma pra znachodžańnie zasnavalnika sajta 1863x.com ci Vy majecie suviaź ź im, prosim Vas paviedamić pra heta na [email protected], skajp nashaniva, albo pa telefonie (017) 284-73-29.
