Navukovaje padarožža ź Irynaj Dubianieckaj i Siarhiejem Chareŭskim adbudziecca pa maršrucie: Miensk — Kniažycy – Pałykavičy — Mahiloŭ — Barkałabava - Bychaŭ — Miensk 24 maja.
Hetym razam naš šlach viadzie ŭ Padniaproŭje, da bierahoŭ lehiendarnaje raki słavianščyny, vodami jakoje, pavodle apokryfaŭ, trymaŭ svoj šlach Śviaty Andrej, apostał. My ŭbačym kraj, dzie była stvoranaja Barkułabaŭskaja chronika — unikalny pomnik biełaruskaha letapisańnia pačatku ChVII st.U Śviataduchavym manastyry ŭ kolišnim miastečku Barkałabava pabačym Śviaty abraz Maci Božaje Barkułabaŭskaje.
My spryčynimsia da śviatyniaŭ, ahledzim bierahi sivoha Dniapra, naviedajem staradaŭnija chramy, a pieradusim – budziem vieści hutarku pra stražytnyja padańni, śviatyja abrazy, letapisy i chroniki, stvoranyja na hetych bierahach.
U Kniažycach my ahledzim ruiny kaścioła Śviatych Antonija i Mikałaja i słavutaha klaštara daminikancaŭ XVIII st.. U Pałykavičach budziem pić vadu sa śviatoj krynicy i ahledzim Piatnickuju carkvu. U Mahilovie naviedajemsia ŭ kafedralny sabor Troch Śviacicielaŭ, ikanastas jakoha ŭpryhožvajuć śpisy sa słavutych śviatych abrazoŭ Mahiloŭščyny, u słynny Mikałajeŭski manastyr XVII st.nad Dniaprom, u ratušu, archikafedralny katalicki sabor Śviatoha Stanisłava dy projdziemsia vulicami staražytnaha horada. Dalejšy naš šlach projdzie praź viosku Sałtanaŭka, dzie jość kaplica ŭ honar padziejaŭ 1812 hoda da Barkałabava, dzie siońnia, jak i zdaŭna, dziejničaje Uźniasienski manastyr, dzie źbierahajuć i šanujuć słavuty śviaty abraz Barkałabaŭskaje Maci Božaj.
My naviedamiem Bychaŭ nad Dniaprom, dzie ŭbačym unikalnuju renesansnuju synahohu-krepaść XVIIst., vialiki zamak Chadkievičaŭ i Sapiehaŭ, uźviedzieny nad stromym bieraham u 1610-1619 hh., draŭlanuju Trajeckuju carkvu, u jakoj pierachoŭvaŭsia śviaty cudadziejny abraz Barkałabaŭskaj Maci Božaj ciaham 60 hadoŭ, a taksama kolišni klaštar kanonikaŭ łateranskich, pierarobieny na žanočuju himnaziju, a a paśla na turmu, dzie byli źniavrlenyja hienierały carskaje Staŭki, ucioki jakich, na čale z Karniłavym, stali pačatkam vialikaj Hramadzianskaj vajny ŭ Rasiei…
Dabračynny ŭniosak — 350 tys. rub.
Pa pytańniach udziełu ŭ vandroŭcy źviartajciesia na adras:
[email protected]
albo telefanujcie
+375 (29) 180-28-38 (Śviatłana)
Admysłova dla padziei stvoranyja supołki ŭ Fejsbuku i Ŭkantakcie.
