Upraŭleńnie Śledčaha kamiteta pa Minskaj vobłaści zaviaršyła rasśledavańnie kryminalnaj spravy ab masavaj hibieli žyvioł na śvinakompleksie ŭ Lubanskim rajonie.
Heta adbyłosia ŭ listapadzie minułaha hoda ŭ AAT «Zabałocki». Z-za zboju ŭ pracy vientylacyjnaj sistemy rezka pavysiłasia tempieratura ŭ adnoj ź siekcyj śvinakompleksu, z-za čaho zahinuli 536 žyvioł. Pavodle papiaredniaj infarmacyi, škoda pieravysiła 1,2 młrd rubloŭ.
Jak paviedamiła aficyjny pradstaŭnik USK Taćciana Biełanoh, rasśledavańnie vyjaviła, što nadzvyčajnaje zdareńnie stała śledstvam nienaležnaha vykanańnia abaviazkaŭ kiraŭnikom śvinatavarnaha kompleksu. Jon dapuściŭ da pracy asob, jakija nie majuć prafiesijnych viedaŭ i dośviedu, jakija nie prajšli śpiecyjalnaje navučańnie dla absłuhoŭvańnia vysokatechnałahičnaha abstalavańnia. Parušyŭšy instrukcyju, daŭ ukazańnie adklučyć try z čatyroch vientylataraŭ, jakija padavali pavietra ŭ siekcyi, dzie ŭtrymlivalisia žyvioły.
Upraŭleńnie Śledčaha kamiteta nakiravała pradstaŭleńni ŭ AAT «Zabałocki» i Lubanski rajvykankam z patrabavańniem pravieści pravierku techničnaha stanu vysokatechnałahičnaha abstalavańnia ŭ rehijonie, vypracavać miechanizm pravierki kampietentnaści kirujučych kadraŭ i šarahovych rabotnikaŭ, skłaści i zaćvierdzić pracoŭnyja instrukcyi.
Dziejańni abvinavačanaha śledstvam kvalifikavanyja pa artykule 428 KK (słužbovaja chałatnaść), kryminalnaja sprava pieradadzienaja ŭ prakuraturu.
