Fiederacyja chakieja Rasii budzie pakarana za niepavahu, jakuju hulcy zbornaj prajavili ŭ adnosinach da kanadskaj kamandy paśla finalnaha matču čempijanatu śvietu. Pra heta TASS zajaviŭ prezident Mižnarodnaj fiederacyi chakieja (IIHF) Rene Faziel.
© EPA/FILIP SINGER
Jak viadoma, pa zaviaršeńni matču pierad vykanańniem himna Kanady ŭ honar pieramohi kamandy na suśvietnym pieršynstvie bolšaja častka chakieistaŭ rasijskaj kamandy syšła ź placoŭki.
«Pa viartańni z čempijanatu śvietu my abmiarkujem hetaje pytańnie, źviažamsia i z kiraŭnictvam Fiederacyi chakieja Rasii. U IIHF jość rehłamient, i peŭnaje pakarańnie dakładna budzie vyniesiena», — skazaŭ Faziel.
«Kali ja heta ŭbačyŭ, to mocna zasmuciŭsia, — skazaŭ prezident IIHF. — Za 29 čempijanataŭ śvietu, na jakich mnie daviałosia prysutničać, heta pieršy taki vypadak. Toje, što zrabiła rasijskaja kamanda, absalutna nieprymalna.
Na lodzie padčas hulni mohuć adbyvacca lubyja padziei — sutyknieńni, bojki. Ale adsutnaść pavahi da supiernika paśla matču nikudy nie varta».
Niekatoryja z rasijskich hulcoŭ ŭsio ž zastalisia na placoŭcy — heta, u pryvatnaści, Alaksandr Aviečkin, Jaŭhien Małkin, Viktar Cichanaŭ, Dźmitryj Kulikoŭ.
«Ja bačyŭ, što Aviečkin i Małkin sprabavali spynić astatnich hulcoŭ, što rvanuli ŭ raspranalniu. U hetym vypadku nielha viešać vinu na samich chakieistaŭ.
U zbornaj jość kiraŭnictva — hałoŭny trenier i hienieralny mieniedžar, jakija pavinny byli znachodzicca na lodzie ŭ hety momant i praduchilić takuju situacyju», — adznačyŭ funkcyjanier.
«U niadzielu ja ŭbačyŭ toje, pra što i padumać nie moh u dačynieńni da Rasii. Ź vialikaj pavahaj staŭlusia da vašaj krainy, baču, jak tam lubiać i raźvivajuć sport, tamu zasmučany ŭdvaja. Padobnyja pavodziny, jak paśla ciapierašniaha finału, škodzić i Rasii, i chakieju, i ŭsim tym, chto maje dačynieńnie da našaj lubimaj hulni», — skazaŭ kiraŭnik IIHF.
