Elektronnaja biblijateka Kanhresa Złučanych Štataŭ Amieryki źmiaščaje cikavuju kalekcyju fotazdymkaŭ rasijskaha navukoŭca i fatohrafa Siarhieja Michajłaviča Prakudzina-Horskaha, jaki ŭ 1912 hodzie ź'dziejśniŭ padarožža ŭ barysaŭski kraj.
Siarhiej Michajłavič Prakudzin-Horski na praciahu 1909—1916 hadoŭ abjechaŭ amal ŭsiu Rasijskuju impieryju, zrabiŭšy ci nie najbahaciejšuju kalecyju fotazdymkaŭ, u tym liku i kalarovych, biełaruskich miastečak i viosak pačatku XX stahodździa (Hł. taksama Biełaruś na kalarovych zdymkach 1912 hoda).
U Biełarusi fatohrafa cikavili pierš za ŭsio miaściny, źviazanyja z vajnoj Rasii i napaleonaŭskaj Francyi. U tym liku i miesca pierapravy francuzskaj armii praź Biarezinu la vioski Studzionka. Niekatoryja fotazdymki Barysava aŭtarstva Prakudzina-Horskaha raniej ŭžo źjaŭlalisia na ex-press.by. Ale padčas svajoj vandroŭki da Studzionki padarožnik zazirnuŭ nie tolki ŭ horad, ale i ŭ viosku Bytča.
Bytča. Viaskovyja pabudovy i carkva Śviatoj Trojcy.
Žnivo.
Aziarod na sialanskim padvorku.
Na miescy pierapravy francuzaŭ Prakudzin-Horski apynuŭsia roŭna praz sto hod paśla trahičnych padziej 1812 hoda.
Mohiłki zahinułych padčas bitvy.
Ahulny vyhlad miesca boja i pierapravy.
