U Astravieckim rajonie pjanaja žycharka Vilni na darahim kupe źniesła draŭlany dom z padmurka.
Jak paviedamlaje ŭpraŭleńnie DAI UUS Hrodzienskaha abłvykankama, DTZ adbyłosia ŭviečary 15 maja. U žyły draŭlany dom (ad udaru budynak zrušyłasia z padmurka prykładna na mietr) žančyna ŭrezałasia ŭ vioscy Rymdziunach Astravieckaha rajona. Pry ruchu z boku Hierviataŭ na zakruhleńni vulicy Centralnaj naprava (dzie chutkaść abmiežavanaja 40 kiłamietraŭ u hadzinu) jana źjechała na levuju abočynu. Nie była pryšpilenaja ramianiom biaśpieki i ŭ stanie komy špitalizavanaja.
Vyśvietlena, što žančyna i jaje muž na roznych mašynach pryjechali da svajakoŭ na chreśbiny dziciaci. Adznačyŭšy hetuju padzieju, pasvarylisia, jana sieła za rul … Strełka śpidomietra na darahim kupe paśla avaryi zastyła na adznacy 140 kiłamietraŭ u hadzinu. Ad udaru ŭ budynku zrušyłasia mebla i raźbilisia šyby. Haspadynia doma, jakaja spała, nie paciarpieła. Muž ź ćviarozym kiroŭcam padjechaŭ da miesca DTZ, kali jano ŭžo zdaryłasia.