U vytvorčaści Hałoŭnaha śledčaha ŭpraŭleńnia znachodzicca kryminalnaja sprava ŭ dačynieńni da dvuch mužčyn i adnoj žančyny, jakija majuć dačynieńnie da zabojstva šaści čałaviek i padrychtoŭcy da zabojstva jašče adnaho, paviedamlaje pres-słužba Śledčaha kamiteta.
Padstavaj dla zaviadzieńnia kryminalnaj spravy pasłužyli materyjały pravierki, praviedzienaj Ministerstvam unutranych spraŭ pa paviedamleńni ab padrychtoŭcy da zabojstva 51-hadovaha žychara h.Mahilova.
U chodzie rasśledavańnia kryminalnaj spravy infarmacyja paćvierdziłasia. Akramia taho, śledčymi byli atrymanyja dadzienyja ab dačynieńni abvinavačanych da zabojstva jašče šaści žycharoŭ Mahiloŭskaj vobłaści, cieły jakich vyvozili i zakopvali na roznych mohiłkach. Matyvam złačynstva ŭ kožnym vypadku vystupali hrašovyja srodki, atrymanyja ad prodažu kvater.
Dziejańni abvinavačanych śledstvam kvalifikavanyja pa č.2 art.139 (zabojstva, ździejśnienaje pry abciažvajučych abstavinach) Kryminalnaha kodeksa Respubliki Biełaruś. U dačynieńni da ich prymieniena miera strymańnia ŭ vyhladzie zaklučeńnia pad vartu.
Dla kaardynacyi dziejańniaŭ i arhanizacyi pracy śledča-apieratyŭnaj hrupy ŭ Mahiloŭ vyjazdžaŭ staršynia Śledčaha kamiteta. U chodzie apieratyŭnaj narady byli paviedamleny vyniki i abjom praviedzienaha rasśledavańnia. Kryminalnaja sprava ŭziata na asabisty kantrol Valancina Šajeva.
Vyvučeńnie abstavinaŭ złačynnaj dziejnaści abvinavačanych praciahvajecca. Praviarajecca ich dačynieńnie da ździajśnieńnia inšych złačynstvaŭ na terytoryi Respubliki Biełaruś.