Amierykanski bijainžynier Šon Rachimi raspracavaŭ «razumny płastyr» Cur, zdolny zabłakavać adčuvańnie bolu pa naciskańni adnoj knopki, raspaviadaje Digital Trends.
Płastyr treba źmiaścić na miesca, dzie adčuvajecca bol. Jon paŭpłyvaje na ŭčastak cieła słabym elektryčnym zaradam, što prastymuluje niervovuju sistemu i zabłakuje sihnały, što paviedamlajuć mozhu pra bol.
Cur kantralujecca jak knopkami na samim hadžecie, tak i praz mabilnuju prahramu.
Zamović aparat možna ŭžo siońnia za 150 dalaraŭ. Ale jaho vytvorčaść pačniecca tolki ŭ kancy hoda i tolki pry ŭmovie ŭzhadnieńnia Upraŭleńniem pa kantroli jakaści charčovych praduktaŭ i lekavalnych srodkaŭ ZŠA.
***
Padobnuju paviazku pad nazvaj Quell pradstaviła na pačatku 2015 hoda kampanija NeuroMetrix. Praz uździejańnie na niervovyja kančatki aparat za 250 dalaraŭ zdymaje bol ad dehienieratyŭnych źmien u sustavach. Queel užo dazvoleny zhadanaj vyšej kamisijaj da ŭžyvańnia biez receptu.
Bolš prosty naručny aparat raspracavali ŭ Rasii: razumny branzalet Life+ praz elektrašok prosta «matyvuje uładalnika da dziejańniaŭ».
Čytajcie taksama: Navukoŭcy: kryk «aj!» źmianšaje bol
