Viedajecie, ja ŭvohule nie mahu padumać, što vybary možna admianić. Ja juryst, ja vydatna viedaju, što zakony pavinny vykonvacca… Jakim by pradkazalnym ni było naša žyćcio (a ŭsie my viedajem, čym jano zakončycca), my ž usio adno žyviom. Tak i vybary», — zajaviła Lidzija Jarmošyna,adkazvajučy na pytańni žurnalistaŭ. Hetaja zajava prahučała 14 maja na pasiadžeńni Centravybarkama.
Jana taksama dadała, što zhodna z Kanstytucyjaj Biełarusi prezidenckija vybary mohuć być admienienyja tolki ŭ vypadku vajny albo ŭ vypadku nadzvyčajnaha stanovišča.
«Dziakuj bohu, hetaha pakul niama», — kaža Jarmošyna.
Jana taksama paćvierdziła, što najbolš vierahodnaj dataj praviadzieńnia prezidenckich vybaraŭ źjaŭlajecca 15 listapada i vykazała zadavalnieńnie tym, što ŭ kampanii ŭ jakaści kandydataŭ źbirajucca ŭdzielničać žančyny. «Ja stanoŭča da hetaha staŭlusia, absalutna pazityŭna. Žančyna — heta taki ž čałaviek, jak i mužčyna», — paviedamiła Lidzija Jarmošyna. Jana taksama vykazała ŭpeŭnienaść, što ŭ budučyni prezidentam Biełarusi abaviazkova stanie žančyna. «Ale heta adbudziecca niachutka», — udakładniaje staršynia CVK.
