Staršynia Centrvybarkama Biełarusi Lidzija Jarmošyna nie vyklučaje, što ŭ budučyni prezidentam Biełarusi moža stać žančyna. Pra heta jana paviedamiła siońnia žurnalistam.
Adkazvajučy na pytańnie z nahody jaje staŭleńnia da taho, što ŭ majučych adbycca prezidenckich vybarach majuć namier udzielničać niekatoryja žančyny [Alena Anisim, Taćciana Karatkievič — NN], Lidzija Jarmošyna adznačyła, što stavicca da hetaha stanoŭča. Na jaje dumku, hetym pretendentkam treba abaviazkova prykłaści namahańni dla taho, kab atrymać status kandydataŭ.
Havoračy pra niekatoryja novaŭviadzieńni elektaralnaj kampanii, Lidzija Jarmošyna nahadała, što hetym razam kandydaty buduć vykarystoŭvać dla ahitacyjnaj kampanii svaje fondy, pamier jakich dazvolili pavialičyć z 3 tys. da 9 tys. bazavych vieličyń. Pryčym farmiravać ich možna budzie ŭžo z momantu stvareńnia inicyjatyŭnych hrup. Heta daść mahčymaść pretendentam u kandydaty na prezidenckuju pasadu lehalna raspłačvacca sa svaimi aktyvistami.
