BiełTA
Alaksandr Łukašenka zapatrabavaŭ ad urada zrabić usio mahčymaje i niemahčymaje dla zachavańnia kvalifikavanych kadraŭ. Pra heta siońnia išła razmova na naradzie ab biahučaj situacyi na rynku pracy i sacyjalnaj abaronie nasielnictva.
Na naradzie pradmietna razhladałasia situacyja na rynku pracy Biełarusi.
«Hetaja tema asabliva aktualnaja, bo zakranaje intaresy mnohich ludziej i ŭpłyvaje na stabilnaść hramadstva i dziaržavy», — skazaŭ Łukašenka. Jon adznačyŭ, što jamu paviedamlajuć pra tryvožnyja tendencyi ŭ hetaj śfiery. «Skaračajecca kolkaść zaniataha nasielnictva, dy i niapoŭnaja zaniataść raście», — kanstatavaŭ Łukašenka.
Jon nahadaŭ prysutnym, i asabliva ŭradu, ab pieršaradnaj zadačy: «Jak by ni było ciažka, nieabchodna zachavać kvalifikavanyja kadry. Dla hetaha treba zrabić nie tolki usio mahčymaje, ale i niemahčymaje».
Kiraŭnik dziaržavy zapatrabavaŭ ad udzielnikaŭ narady abjektyŭnaj acenki situacyi. Łukašenkuu było dałožana ab pryčynach ŭźniknieńnia prablem, pra toje, što pieraškadžaje ich vyrašeńniu, i hałoŭnaje, ab mierach, jakija nieabchodna raspačać dla zabieśpiačeńnia zaniataści i stabilnaści na rynku pracy.
Adkryvajučy naradu, Alaksandr Łukašenka zapatrabavaŭ ad usich vystupoŭcaŭ vieści havorku pa sutnaści, nie sychodziačy ad vostrych pytańniaŭ. «Nieabchodna vyjavić sapraŭdnyja pryčyny pracesaŭ, jakija adbyvajucca i vypracavać miery nieadkładnaha reahavańnia», — zapatrabavaŭ kiraŭnik dziaržavy.
«My nie možam dapuścić sacyjalnaj napružanaści ŭ hramadstvie i ŭ pracoŭnych kalektyvach. Heta najvažniejšaja zadača ŭrada, orhanaŭ ułady na miescach. Sprava nie ŭ sacyjalnaj napružanaści.
Reč u tym, što kožny čałaviek pavinien mieć prava na pracu, mahčymaść atrymać hetuju pracu jak srodak atrymańnia dachodaŭ, kab utrymlivać siamju. Voś i ŭsia prablema», — padkreśliŭ Łukašenka.
Kiraŭniku dziaržavy było paviedamlena, što situacyja na rynku pracy ŭ Biełarusi kirujemaja i dosyć stabilnaja. Pryniatyja raniej i miery, što prymajucca dazvalajuć utrymlivać biespracoŭje ŭ sacyjalna prymalnych miežach, a taksama zabiaśpiečvać nieabchodnyja harantyi i kampiensacyju nasielnictvu.
