Karykatura z sajta veteranstoday.com
Pałata pradstaŭnikoŭ Kanhresu ZŠA pryniała «Akt ab svabodzie ZŠA», što zabaraniaje Ahienctvu nacyjanalnaj biaśpieki masavy zbor źviestak pra amierykancaŭ i niesankcyjanavanuju prasłušku ich telefonaŭ, paviedamlaje Reuters.
«Akt ab svabodzie ZŠA» nabraŭ 338 hałasoŭ suprać 88. Zakon jašče maje być pryniatym u Sienacie (bolšaść jakoha składajuć respublikancy, jakija chutčej za ŭsio prahałasujuć za) i padpisanym prezidentam (zakonaprajekt zbolšaha zasnavany na prapanovach samoha Abamy).
Zakon u Pałacie pradstaŭnikoŭ padtrymali jak respublikancy, tak i demakraty. Ale niekatoryja sienatary vystupajuć za adnaŭleńnie masavaha zboru źviestak, niby dazvolenaha tak zvanym Patryjatyčnym aktam, pryniatym paśla teraktaŭ 11 vieraśnia 2001 hoda.
Akt dazvolić ANB ździajśniać pošuk pa bazach źviestak telefanavańniaŭ, ale pry dakładna vyznačanych abmiežavańniach i pad kantrolem. Raniej Ahienctva lehalna źbirała ŭsiu infarmacyju pra toje, miž jakimi numarami adbyvalisia telefanavańni na terytoryi ZŠA. Ale, jak pakazali vykryćci Edvarda Snoŭdena, rabiła bahata napaŭlehalnych i nielehalnych dziejańniaŭ pa zbory źviestak.
Mitynh padtrymku Edvarda Snoŭdena ŭ Vašynhtonie, ZŠA, kastryčnik 2013 hoda. Fota: Reuters/Jonathan Ernst
Edvard Snoŭden siońnia ŭkryvajecca ŭ Rasii. U ZŠA jamu pradjaŭlenyja abvinavačvańni ŭ špijanažy i kradziažy dziaržaŭnaj ułasnaści. Chacia «Akt ab svabodzie ZŠA» źjaviŭsia va mnohim dziakujučy jaho vykryćciam, pra skasavańnie abvinavačańniaŭ havorka pakul nie idzie.
Čytajcie taksama:
Edvard Snoŭden: «Ja nie chaču žyć u śviecie, dzie ŭsio, što ja rablu i havaru, zapisvajecca»
Snoŭden viarnuŭsia ŭ Ńju-Jork u vyhladzie hałahramy
