Kampanija Microsoft ahučyła nazvy ŭsich viersij Windows 10, raspaviadaje The Verge.
Akramia zvykłych chatniaj, prafiesijnaj i karparatyŭnaj źjavicca adukacyjnaja viersija nastolnaj Windows. Mabilnaja vyjdzie ŭ dźviuch redakcyjach i viernie staruju nazvu — Windows Mobile.
Windows 10 Home stanie zvyčajnaj spažyvieckaj viersijaj, prydatnaj dla nastolnych kampjutaraŭ, noŭtbukaŭ, transformieraŭ i vialikich płanšetaŭ.
Windows 10 Pro budzie adroźnivacca ad chatniaj viersii dadatkovymi funkcyjami kštałtu dałučeńnia da damienu ci karparatyŭnaj sietki albo dystancyjnaha dostupu da rabočaha stała.
Windows 10 Enterprise budzie pašyranaj prafiesijnaj viersijaj dla karparacyj. U joj budzie bolš instrumientaŭ biaśpieki dy bolš šyrokija mahčymaści padłučeńnia prahram i servisaŭ.
Windows 10 Education budzie zasnavanaja na karparatyŭnaj viersii, ale ŭličyć patreby vučniaŭ i nastaŭnikaŭ. Da jaje možna budzie abnavicca z chatniaj i prafiesijnaj viersij.
Windows 10 Mobile stanie raźvićciom Windows Phone 8.1 i budzie pryznačanaja jak dla smartfonaŭ, tak i dla nievialikich płanšetaŭ. Funkcyja Contnuum dazvolić padklučać mabilnuju pryładu da manitora ŭ jakaści sistemnaha błoka. Microsoft (znoŭ) abiacaje padtrymku ŭniviersalnych «nastolna-mabilnych» prahram i atrymaje aptymizavany dla tačskrynaŭ Office.
Windows 10 Mobile Enterprise budzie karparatyŭnaj viersijaj mabilnaj apieracyjonki z pašyranaj sistemaj biaśpieki.
Windows 10 IoT Core stanie «ŭrezanaj» karparatyŭnaj viersijaj dla bankamataŭ, terminałaŭ i inšaj «niespažyvieckaj» techniki.
Vychad nastolnych viersij Windows 10 zapłanavany na leta 2015 hoda, mabilnych — uvosień. Uładalniki licenzijnych Windows 7, 8 i 8.1 atrymajuć «dziasiatku» biaspłatna.
Čytajcie taksama:
Microsoft nazvała «dziasiatku» apošniaj Windows
U Biełarusi ŭpieršyniu vypisany štraf za pirackuju Windows
