Vatykan aficyjna pryznaŭ Palestynu i naładzić ź joj dypłamatyčnyja adnosiny jak ź dziaržavaj. Izrail rasčaravany hetym rašeńniem.
U tekście pahadnieńnia ab dziejnaści Vatykana ŭ hetym rehijonie źjavicca ŭdakładnieńnie, što heta pahadnieńnie było pryniata delehacyjaj «dziaržavy Palestyna», a nie pradstaŭnikami Arhanizacyi vyzvaleńnia Palestyny, jak značyłasia raniej.
Paśla padpisańnia damovy Vatykan aficyjna naładzić dypłamatyčnyja adnosiny z Paleścinaj.
«Tak, heta aficyjnaje pryznańnie taho, što hetaja dziaržava isnuje», — zajaviŭ žurnalistam kiraŭnik pres-słužby Vatykana Fiederyka Łambardzi.
Pavodle paviedamleńnia Asašyejted pres, hod tamu ŭ prahramie Papy lidar Palestyny Machmud Abas byŭ nazvany prezidentam dziaržavy Palestyna, adnak, adznačaje ahienctva, aficyjnaha pryznańnia da hetaha času nie było.
U ministerstvie zamiežnych spraŭ Izraila vykazali svajo rasčaravańnie hetym rašeńniem.
