U Dahiestanie (Rasijskaja Fiederacyja) supracoŭniki miascovaha Dziaržnarkakantrolu vyzvalili z rabstva hramadzianina Biełarusi. Jak piša ekhokavkaza.com, u viedamstva pastupiła infarmacyja, što ŭ haspadarcy kala pasielišča Šava ŭ Babajurtaŭskim rajonie vyroščvajuć narkatyčnyja raśliny.
Padčas pravierki pravaachoŭniki źviarnuli ŭvahu na adnaho maładoha čałavieka. Heta byŭ hramadzianin Biełarusi, jakoha hvałtoŭna trymali na fiermie, kab jon vykonvaŭ usiu pracu pa haspadarcy. Apošnija dva hady jon žyŭ adzin u poli za 15 km da bližejšaha nasielenaha punkta.
Vyjaviłasia, što biełarus pryjechaŭ u Maskvu na zarobki. Tam jon paznajomiŭsia z «niejkim dahiestancam», jaki prapanavaŭ jamu pracu ŭ Machačkale. Z novym znajomcam jon pajšoŭ u kaviarniu, dzie zamoviŭ sabie sup. A paśla supa naš suajčyńnik pračnuŭsia tolki praz 10 hadzin u aŭtobusie. Z transpartu jaho nie vypuskali da samaha Dahiestana.
