Kastynh budzie adbyvacca try dni — 6, 13 i 15 maja a 19.00 u pamiaškańni «Art Siadziby» (pr. Niezaležnaści, d. 58, of. 430).
Da ŭdziełu zaprašajucca prafiesijnyja i nieprafiesijnyja aktory i aktorki, a taksama ludzi, jakija chočuć pasprabavać siabie na vialikaj scenie.
Adzinaja ŭmova kastynhu — heta dobraje vałodańnie biełaruskaj movaj i zacikaŭlenaść u pastanoŭcy śpiektaklu.
Śpiektakl «Branisłaŭ Taraškievič» pryśviečany vydatnamu navukoŭcu i movaznaŭcu. Asnoŭnaj metaj śpiektaklu źjaŭlajecca pryciahnieńnie ŭvahi da Branisłava Taraškieviča — stvaralnika biełaruskaj hramatyki.
Usio što my viedajem pra jahonuju asobu, heta toje, što Taraškievič stvaryŭ biełaruskuju hramatyku, ale pra jahony žyćciovy los ničoha amal nieviadoma, tamu my ličym, što varta vypravić hetuju situacyju.
Śpiektakl raspaviadaje pra ciažki los Branisłava Taraškieviča, pra jahonuju baraćbu za biełaruskuju movu i rodnuju krainu. Hetaja tema źjaŭlajecca zvyšaktualnaj u naš čas. Prajekt daść razumieńnie, što asoba Branisłava Taraškieviča źviazanaja z raźvićciom biełaruskaj kultury i movy.
Padtrymać prajekt dobraj spravaj ci finansava možna na kraŭdfandynhavaj płatformie «Talaka».
Pa pytańniach nakont kastynhu źviartajciesia na elektronnuju poštu [email protected] ci pa telefonie: +375 (29) 651-78-98.
