Čarhovaje pasiadžeńnie Savieta pastajannych paŭnamocnych pradstaŭnikoŭ dziaržaŭ — udzielnic SND pry statutnych i inšych orhanach Sadružnaści adbudziecca ŭ Minsku 19 maja, paviedamili ŭ pres-słužbie Vykankama SND.
U pasiadžeńni prymie ŭdzieł staršynia Vykanaŭčaha kamiteta — vykanaŭčy sakratar SND Siarhiej Lebiedzieŭ. Pastajannyja pradstaŭniki abmiarkujuć vopyt realizacyi miždziaržaŭnaj prahramy «Kulturnyja stalicy Sadružnaści».
Prahrama była padrychtavana ŭ ramkach abjaŭlenaha ŭ 2011 hodzie Hoda historyka-kulturnaj spadčyny SND i raspracavana pa inicyjatyje Savieta pa humanitarnym supracoŭnictvie, Miždziaržaŭnaha fondu humanitarnaha supracoŭnictva i Savieta pa kulturnym supracoŭnictvie dziaržaŭ — udzielnic SND.
Dakumient praduhledžvaje štohadovuju kancentracyju tvorčych resursaŭ, jak praviła, u dźviuch dziaržavach, u jakich vybirajecca pa adnym niestaličnym horadzie. Jaho asnoŭnyja zadačy — sadziejničańnie raźvićciu haryzantalnych suviaziej i intensifikacyja tvorčych abmienaŭ, naroščvańnie kulturnaha i humanitarnaha patencyjału terytoryj i haradoŭ dziaržaŭ Sadružnaści, u tym liku sadziejničańnie palapšeńniu ich infrastruktury, pieraadoleńnie hieahrafična abumoŭlenaj niaroŭnaści asobnych terytoryj u dostupie da kulturnych dabrot, stymulavańnie rostu turystyčnaha patoku, miždziaržaŭny abmien vopytam u halinie kulturnaj palityki.
Rašeńnie ab abjaŭleńni haradoŭ kulturnymi stalicami štohod prymaje Saviet kiraŭnikoŭ dziaržaŭ pa pradstaŭleńni Savieta pa humanitarnym supracoŭnictvie. U 2011-2012 hadach na piłotnym etapie prahramy kulturnymi stalicami stali Uljanaŭsk (Rasija) i Homiel (Biełaruś), Astana (Kazachstan) i Mary (Turkmienistan). U hetych haradach adbyłosia bolš za 100 bujnych sumiesnych mierapryjemstvaŭ. U 2013-2014 hadach prahrama realizoŭvałasia ŭ Habale (Azierbajdžan), Hiumry (Armienija), Mahilovie (Biełaruś), Ałmaty (Kazachstan), Ošy (Kyrhyzstan). U 2015 hodzie kulturnymi stalicami Sadružnaści stali Varoniež (Rasija) i Kulab (Tadžykistan).
«Takim čynam, z 2011 hoda va ŭsich krainach, jakija ŭdzielničajuć u prahramie, akramia Małdovy, harady abjaŭlalisia kulturnymi stalicami, pry hetym u Biełarusi, Kazachstanie, Rasii — dvojčy», — adznačyli ŭ pres-słužbie.
«U bolšaści haradoŭ — kulturnych stalic Sadružnaści prahrama stała adnym ź dziejsnych instrumientaŭ raźvićcia terytoryj, abnaŭleńnia abjektaŭ miascovaj infrastruktury, realizoŭvalisia mierapryjemstvy, jakija sadziejničali raźvićciu šyrokaha mižkulturnaha dyjałohu. Prahrama sadziejničała papularyzacyi haradoŭ i nacyjanalnych brendaŭ u SND i za jaje miežami, aktyvizacyi kulturna-paznavalnaha turyzmu. Pazityŭnym źjaŭlajecca adlustravańnie fakta nadańnia haradam statusu kulturnaj stalicy Sadružnaści ŭ ekspazicyjach krajaznaŭčych muziejaŭ», — ličać u pres-słužbie.
Siabry Savieta pastajannych pradstaŭnikoŭ abmiarkujuć isnujučyja pazityŭnyja i prablemnyja aśpiekty realizacyi prahramy i namieciać miery pa jaje dalejšym raźvićci.
