Upraŭleńnie Śledčaha kamiteta pa Bresckaj vobłaści vyśviatlaje akaličnaści DTZ u Breście, u jakim paciarpieli try piešachody.
Jak paviedamiła aficyjnaja pradstaŭnica Śledčaha kamiteta Maryna Drańkova, 12 maja pryblizna ŭ 8.20 na vulicy Maskoŭskaj nasuprać parku Voinaŭ-internacyjanalistaŭ na rehulavanym piešachodnym pierachodzie aŭtamabil «Šeŭrale» ŭčyniŭ najezd na traich piešachodaŭ. Jany pierachodzili prajeznuju častku na zialony sihnał śviatłafora. Heta zdaryłasia, bo ŭ «Šeŭrale» na vialikaj chutkaści ŭrezaŭsia «Fijat», jaki jechaŭ za im.
U vyniku DTZ piešachody (usie — žychary Bresta) z roznymi cialesnymi paškodžańniami dastaŭleny va ŭstanovu achovy zdaroŭja. Heta 54-hadovy mužčyna i dźvie žančyny — 44 i 36 hadoŭ. Małodšaja znachodzicca ŭ reanimacyi z adkrytaj čerapna-mazhavoj traŭmaj. U starejšaj žančyny paškodžańnie halenastopa, u mužčyny — kalennaha sustava.
Praviedzieny ahlad kiroŭcaŭ pakazaŭ, što jany byli ćviarozyja. «Šeŭrale» kiravaŭ 39-hadovy hramadzianin Rasii, žychar kaŭkazskaha horada Nalčyk, «Fijatam» — 40-hadovy bieraściejec.
Pa fakcie darožna-transpartnaha zdareńnia USK pa Bresckaj vobłaści raspačata sprava na padstavie č. 2 art. 317 KK (parušeńnie praviłaŭ darožnaha ruchu, jakoje mieła vynikam pa nieaściarožnaści pryčynieńnie ciažkaha cialesnaha paškodžańnia).
