Pryčynaj avaryi kaśmičnaha hruzavika «Prahres M-27m» stała razhiermietyzacyja bakaŭ akiślalnika i haručaha treciaj stupieni rakiety-nośbita, paviedamiŭ kiraŭnik Roskosmosa Ihar Kamaroŭ.
Pavodle jaho słoŭ, razhiermietyzacyja bakaŭ pryviała da niaštatnaha raździaleńnia treciaj stupieni rakiety-nośbita.
«U vyniku niaštatnaha raździaleńnia karabiel apynuŭsia na arbicie z adchileńniem na 40 kiłamietraŭ vyšej», — rastłumačyŭ Kamaroŭ.
Miž tym, kiraŭnik palotu rasijskaha siehmienta MKS Uładzimir Sałaŭjoŭ paviedamiŭ, što z-za avaryi «Prahresu» ekipaž MKS zatrymajecca na arbicie jašče na miesiac.
Rakieta «Sajuz» z hruzavym karablom «Prahres» startavała z Bajkanura 28 krasavika. Padčas adździaleńnia karabla ad treciaj stupieni rakiety Centr kiravańnia palotami pierastaŭ atrymlivać telemietryčnuju infarmacyju.
Centr kiravańnia palotami nie zmoh adnavić suviaź z hruzavikom, paśla čaho pryznaŭ jaho stratu. U minułuju piatnicu «Prahres» zhareŭ u ščylnych słajach atmaśfiery nad Cichim akijanam.