Kamitet pa zamiežnych spravach Jeŭraparłamienta padtrymaŭ rezalucyju ab vydzialeńni finansaŭ dla baraćby z rasijskaj prapahandaj.
Za rezalucyju prahałasavali 53 deputaty, 10 vykazalisia suprać. Dakumient praduhledžvaje vykarystańnie tak zvanaj «miakkaj siły» dla supraćstajańnia «ahresiŭnaj rasiejskaj prapahandzie».
U im taksama havorycca, što krainy ES pavinny ŭstrymlivacca ad dvuchbakovych kantaktaŭ z Rasijaj, a zamiest hetaha aktyvizavać kalektyŭnyja namahańni dla ŭzhodnienaha supraćstajańnia «ekspansijanisckaj palitycy» Rasii ŭ dačynieńni da Ukrainy.
Na dumku jeŭraparłamientaryjaŭ, niezakonna dałučyŭšy Krym, Rasija naniesła surjoznuju škodu adnosinam ź Jeŭrasajuzam i nie moža bolš razhladacca ŭ jakaści stratehičnaha partniora Brusiela.
U sakaviku Brusiel abviaściŭ ab tym, što šukaje ekśpiertaŭ, zadačaj jakich budzie raspracoŭka stratehii pa baraćbie z antyzachodniaj prapahandaj Rasii. Taksama Brusiel tady zajaŭlaŭ, što razhledzić mahčymaść stvareńnia rasiejskamoŭnaha ŚMI.