Jeŭrazijskaja ekanamičnaja kamisija moža admianić płatu za roŭminh sotavych apierataraŭ na terytoryi Jeŭrazijskaha ekanamičnaha sajuza (JEAES) paśla 2017 hoda.
Pra heta zajaviŭ namieśnik dyrektara departamienta antymanapolnaha rehulavańnia JEEK Alaksandr Kurylčyk, vystupajučy 12 maja na sumiesnym pasiadžeńni dźviuch kamisij Pałaty pradstaŭnikoŭ Nacyjanalnaha schodu.
Pradstaŭnik JEEK źviarnuŭ uvahu na toje, što adpaviednaja praca pa źnižeńni koštu roŭminhu pravodzicca taksama ŭ miežach Jeŭrapiejskaha sajuza.
«My prapanoŭvajem pravieści navukova-daśledčuju pracu, padrychtavać prajekt rašeńnia ab ustanaŭleńni miežavych cen na pasłuhi mižnarodnaha roŭminhu na pieryjad 2016—2017 hadoŭ na terytoryi Jeŭrazijskaha ekanamičnaha sajuza z nastupnym ich abnuleńniem», — skazaŭ Kurylčyk.
Varta zaznačyć, što pracu pa admienie płaty za roŭminh na terytoryi Jeŭrazijskaha ekanamičnaha sajuza JEEK viadzie z 2013 hoda. Kamisija ŭstanaviła, što taryfy na zychodnyja telefanavańni ŭ krainach AEP u razy pieravyšaje maksimalny taryf u dziaržavach Jeŭrapiejskaha sajuza.
Pavodle słoŭ Kurylčyka, Jeŭrazijskaja ekanamičnaja kamisija taksama płanuje ŭrehulavać pytańnie taryfaŭ na prajezd pasažyraŭ čyhunačnym i pavietranym transpartam. «Nie pavinien prajezd u ciahniku być daražejšym za pieralot u samalocie», — padkreśliŭ Kurylčyk.
