«Zrobim!» u 2012 hodzie. Fota: ecoidea.by
Suśvietnaja akcyja pa pryborcy śmiećcia «Let's do it!», što pa-biełarusku atrymała nazvu «Zrobim!», projdzie ŭ dvuch dziasiatkach biełaruskich haradoŭ u subotu, 16 maja.
Achvočyja dałučycca mohuć abrać na sajcie prajekta adno ź miescaŭ, prapanavanych dla subotnika. Vałanciory abirali zaśmiečanyja miescy jak u vialikich haradach, tak i ŭ dalokich lasach dy vadajomach.
Jak śćviardžajuć arhanizatary, udzielniki «Zrobim!» prybiaruć tam, «dzie nichto inšy hetaha nie zrobić». U čas «alternatyŭnaha subotnika» budzie nie tolki prybranaje (i pa mahčymaści zdadzienaje na pierapracoŭku) samo śmiećcie, ale i ŭstalavanyja kantejniery pobač ź vialikimi skopiščami adkidaŭ.
Meta akcyi ŭ 2015 hodzie — dasiahnuć udziełu va ŭborcy 1% nasielnictva Biełarusi dy zdać na pierapracoŭku bolš za 30% sabranaha śmiećcia.
Biełaruś biare ŭdzieł u «suśvietnaj uborcy» z 2012 hoda. Inicyjatyva naradziłasia ŭ Estonii, dzie ŭ 2008 hodzie na vialikuju ŭborku vyjšli 50 tysiač čałaviek. U minułym hodzie da akcyi dałučylisia 120 krain śvietu.
Zarehistravacca na ŭdzieł u «Zrobim!» >>>