Pra heta paviedamiŭ namieśnik dyrektara departamienta antymanapolnaha rehulavańnia Jeŭrazijskaj ekanamičnaj kamisii (JEEK) Alaksandr Kurylčyk 12 maja na sumiesnym pasiadžeńni kamisij Pałaty pradstaŭnikoŭ pa pramysłovaści, paliŭna-enierhietyčnym kompleksie, transparcie i suviazi i pa ekanamičnaj palitycy.
Kurylčyk nahadaŭ, što Dahavor ab JEAES nabyŭ moc 1 studzienia 2015 hoda, ale pakul zachoŭvajucca šerah abmiežavańniaŭ, jakija pieraškadžajuć svabodnamu ruchu tavaraŭ u miežach novaha sajuza. «Nieabchodna ŭdaskanalić normy antymanapolnaha kantrolu, skiravanyja na padtrymku ajčynnaha biźniesu, pavieličeńnie asartymientu i źnižeńnie cen», — zajaviŭ jon, kažučy pra najbližejšyja zadačy.
Kurylčyk, u pryvatnaści, adznačyŭ prablemu dostupu vytvorcaŭ JEAES na rynak Kazachstana na prykładzie z pastaŭkami cukru. «U Kazachstanie svajho cukru nie chapaje, jany jaho zavoziać. Pry hetym na siońnia Małdova maje lhotu pa vypłacie pošliny pry ŭvozie cukru na kazachstanski rynak. U vyniku i biełaruski, i rasijski cukar u Kazachstanie atrymlivajecca bolš darahim», — skazaŭ jon.
Pavodle słoŭ Kurylčyka, nakont hetaha ŭ Kazachstanie ŭžo prajšli narady z udziełam pradstaŭnikoŭ JEEK. «Dumaju, Kazachstan u chutkim časie ŭniasie prapanovy ab admienie lhotnaj mytnaj pošliny pry ŭvozie cukru z trecich krain», — skazaŭ namieśnik dyrektara departamienta antymanapolnaha rehulavańnia Jeŭrazijskaj ekanamičnaj kamisii.
