TASS

TASS

U adpaviednaści ź infarmacyjaj Rasspažyŭnahladu ad 7 maja 2015 hoda № 01/39.15.4955 pry daśledavańni srodkaŭ asabistaj hihijeny dla žančyn vytvorčaści Ukrainy, praviedzienych u ramkach ažyćciaŭleńnia fiederalnaha dziaržaŭnaha sanitarna-epidemijałahičnaha nahladu, vyjaŭlenyja parušeńni patrabavańniaŭ zakanadaŭstva ŭ halinie sanitarna-epidemijałahičnaha dabrabytu nasielnictva, vynikaje z pastanovy hałoŭnaha sanitarnaha doktara Biełarusi Ihara Hajeŭskaha.

Havorka idzie pra nieadpaviednaść hihijeničnym patrabavańniam prakładak pa vadarodnym pakazčyku i akiślalnaści vyciažki. Rasspažyŭnahlad prypyniŭ uvoz na terytoryju Rasii hihijeničnych prakładak, tamponaŭ i anałahičnych vyrabaŭ dla žančyn z 9 maja.

Na padstavie hetaha Biełaruś prypyniła reekspart hihijeničnaj pradukcyi, što vyrablajecca na terytoryi Ukrainy, u adpaviednaści z narmatyŭna-pravavymi aktami JEAES i MS.

Biełaruskamu ministerstvu handlu, MUS, Dziaržstandartu, Biełkaapsajuzu, RUP «Biełfarmacyja», abłvykankamam i Minharvykankamu daručana ŭzmacnić kantrol i nahlad za abarotam žanočych hihijeničnych srodkaŭ.

Na momant publikacyi materyjału infarmacyi ab zabaronie na ŭvoz ukrainskaj hihijeničnaj pradukcyi Procter&Gamble na sajcie rasijskaha viedamstva nie było.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?