Siensacyja na vybarach u Polščy: napieradzie Duda, Kamaroŭski — za im, rok-muzyka Kukiz — 20% 11

Pavodle vynikaŭ ekzit-połaŭ, kandydat ad apazicyjnaj partyi «Zakon i spraviadlivaść», 42-hadovy juryst z Krakava Andžej Duda nabiraje 34,8%, tady jak dziejny prezident (Hramadzianskaja płatforma) Branisłaŭ Kamaroŭski — 32,2%.

I jašče adna siensacyja rok-muzykant, nacyjanalist Pavieł Kukiz nabiraje 20%.

Pieradvybarčyja apytanki davali Kamaroŭskamu 35%, Dudzie — 27%. Kukizu — 15%.

24 maja projdzie druhi tur vybaraŭ, bo nivodny z kandydataŭ (Duda i Kamaroŭski) nie nabraŭ 50%.

Apytańnie pravioŭ IPSOS na zamovu TVN24.

Darečy vybary pabili antyrekord jaŭki. Na vybarčyja ŭčastki pryjšli 49,4% (dahetul antyrekord byŭ u 2005 h. — 49,74%). Druhi tur abiacaje haračuju sieču. Libieralny łahier maje kansalidavacca vakoł Kamaroŭskaha, chryścijanskija i nacyjanalna-kansiervatyŭnyja koły zrobiać usio dla pieramohi Dudy.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH