Maksimalny inkubacyjny pieryjad składaje 21 dzień. A novych vypadkaŭ zaražeńnia ŭ Libieryi nie było zarehistravana na praciahu 42 dzion.
Prezident krainy Elen Džonsan Sierlef u intervju «Bi-bi-si» paabiacała, što budzie i dalej pradprymać namahańni pa prafiłaktycy hetaha śmiarotnaha zachvorvańnia.
Adnak SAAZ papiaredziła pra toje, što ŭsio jašče isnuje vialikaja ryzyka taho, što zaražanyja hetym virusam ludzi mohuć znoŭ prybyć u Libieryju.
Usiaho ŭ krainie zarazilisia bolš za 9,6 tys. čałaviek, ź ich pamierli amal 5 tysiač - bolš, čym u luboj inšaj krainie.
U cełym na terytoryi Zachodniaj Afryki ad virusa pamierli ŭžo bolš za 10 tysiač čałaviek.
Na siońniašni dzień vypadki zaražeńnia lichamankaj Eboła taksama zafiksavanyja ŭ Hviniei, Śjera-Leone, Nihieryi, Sieniehale, Demakratyčnaj Respublicy Konha, Mali, Ispanii i ZŠA.
