Za pieršy kvartał polskaja mytnaja słužba zarehistravała 392 659 dakumientaŭ tax free na pamiežnych pierachodach z našaj krainaj. «Za hety čas padarožniki, u asnoŭnym biełarusy, zhodna z hetym dakumientam vyvieźli tavary na ahulnuju sumu 321 młn 842 060 złotych (bolš za 1,2 tryljona rubloŭ)», - raspaviadaje pres-sakratar Mytnaj pałaty ŭ Biełastoku Maciej Čarniecki.
Pradstaŭnik polskaj mytni udakładniaje, što za pieršy kvartał 2014 na pamiežnych pierachodach krychu bolš aktyŭna afarmlali dakumientaŭ TAX FREE - 396 025. Za hety čas padarožniki vyvieźli tavary na ahulnuju sumu 343 275 705 złotych (bolš za 1,3 tryljona rubloŭ).
Čaściej za ŭsio biełarusy kuplajuć u Polščy elektronnyja tavary, pradukty, chimičnyja srodki, budaŭničyja materyjały, adzieńnie i zapčastki dla mašyn, tłumačyć Maciej Čarniecki.
