U Biełarusi ŭ vychadnyja čakajecca ciopłaje kamfortnaje nadvorje. Ab hetym paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.

«Terytoryja krainy 9 maja budzie znachodzicca pad upłyvam vobłaści pavyšanaha cisku, tolki na ŭschodzie zachavajecca ŭpłyŭ małaaktyŭnaha atmaśfiernaha frontu», - skazaŭ jon. Budzie pieravažna biez apadkaŭ, tolki miescami pa ŭschodzie Mahiloŭskaj i Homielskaj abłaściej mahčymy nievialikija karotkačasovyja daždžy. U niekatorych rajonach ranicaj źjavicca słaby tuman. Viecier prahnazujecca niaŭstojlivy 3-8 m/s.

Tempieratura pavietra nočču składzie 2-8 hradusaŭ ciapła, miescami zamarazki da nula - minus 3 hradusaŭ. Dniom budzie ad plus 15 hradusaŭ da 21.

U Minsku rahnazujecca pieramiennaja vobłačnaść bieź istotnych apadkaŭ. Tempieratura pavietra ŭnačy składzie 3-5 hradusaŭ ciapła, udzień - 17-19 hradusaŭ.

Nadvorje 10 maja ŭ asnoŭnym taksama vyznačyć vobłaść pavyšanaha atmaśfiernaha cisku. Budzie pieravažna biez apadkaŭ, tolki dniom pa zachadzie Biełarusi projduć karotkačasovyja daždžy, miescami prahrymiać navalnicy. Tempieratura pavietra nočču składzie 2-9 hradusaŭ vyšej za nul. Na hlebie i miescami ŭ pavietry mahčymy zamarazki da 0 - minus 3 hradusaŭ.

Udzień pavietra prahrejecca ad 16 hradusaŭ ciapła pa paŭnočnym zachadzie da 24 hradusaŭ pa poŭdni.

Atmaśfierny front, što pieramiaščajecca z terytoryi Polščy, akaža ŭpłyŭ na nadvorje 11 maja. Miescami, pieravažna pa zachodniaj pałavinie, mahčymy karotkačasovyja daždžy, projduć navalnicy. Tempieratura pavietra nočču składzie 4-11 hradusaŭ ciapła. Dniom tempieratura pavysicca da 13-19, pa ŭschodzie - da 20-23 hradusaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?