Andrej Apanovič u składzie Litvintroll na Metal Crowd 2014. Fota z supołki Litvintroll «UKantakcie»

Andrej Apanovič u składzie Litvintroll na Metal Crowd 2014. Fota z supołki Litvintroll «UKantakcie»

Biełaruski hurt Litvintroll nie zdoleŭ damovicca z byłym udzielnikam i ŭładalnikam pravoŭ na nazvu Vasilom Vierabiejčykavym. Ale «troli» buduć hrać pad novaj nazvaj, raspavioŭ «Našaj Nivie» lidar hurtu Andrej Apanovič.

Novaja nazva nie budzie «pierarobkaj» Litvintroll nakštałt «Litvin Trolls» — hurt čakaje vialiki rebrendynh. Ciaham miesiaca budzie pradstaŭlenaja novaja nazva i pieršy sinhł.

Siońnia hurt aktyŭna repietuje z novym udzielnikam, imia jakoha pakul taksama nie raskryvajecca.

«Budzie bolš žorstka, biez usiakich pafasaŭ. Bolš mietału budzie, — kaža Apanovič. — Fołk taksama zastaniecca. Z hetaha pačynali, tak i budzie».

Pakul Apanovič nie ŭpeŭnieny, ci pryjdziecca raskručvać hurt «z nula», ci publika paznaje «trolaŭ» pad novaj nazvaj. Hurt užo maje šerah prapanoŭ na niekalki kancertaŭ, viaducca pieramovy.

Damovicca z Vasilom Vierabiejčykavym hurt bolš nie sprabuje. «Jon dasłaŭ nam list aficyjny ŭsim pa pošcie, dzie jon daŭ nam zrazumieć, što ničoha ŭ nas nie atrymajecca», — kaža Apanovič.

***

Litvintroll byŭ zasnavany ŭ 2005 hodzie ŭdzielnikami hurtu «Stary Olsa» — dudarom Andrejem Apanovičam i bubnačom Siarhiejem Tapčeŭskim. Dudar Vasil Vierabiejčykaŭ byŭ de-fakta dyrektaram hurtu.

Hurt hraŭ fołk-mietał z tekstami na biełaruskaj, polskaj i anhlijskaj movach. Hurt zapisaŭ dva poŭnafarmatnych albomy. Časta vystupaŭ na biełaruskich fiestyvalach u jakaści chedłajniera, mieŭ paśpiachovyja vystupy ŭ bližnim zamiežžy.

Ad imia hurtu 10 krasavika 2015 hoda Vierabiejčykaŭ paviedamiŭ pra prypynieńnie isnavańnia Litvintroll.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?