Biedy najnoŭšaha rasiejskaha tanka «Armata» nie skončylisia siońnia, kali jon zahłuch padčas repietycyi parada na maskoŭskaj Čyrvonaj płoščy.

Bajavaja mašyna piachoty na bazie «Armaty» sprabuje zajechać na transparcior.

Krynicy amierykanskaha The Wall Street Journal paviedamili, što Minabarony RF skaračaje budučyja zakupki mašyny z-za ichnaha vysokaha koštu. 

Jašče ŭvosień 2014 hoda rasiejskija ŭradoŭcy i pradstaŭniki Urałvahonzavoda, jaki vyrablaje novyja tanki, pačali davoli rezkuju zavočnuju dyskusiju adnosna darahavizny novaha tanka.

U apošnija tydni pierad paradam 9 maja, jaki musiŭ stać tryumfam novaj rasiejskaj bajavoj techniki, prablema padavałasia vyrašanaj, i rasiejskija ŚMI hučna radavalisia «technałahičnamu praryvu», «novaj ery ŭ budaŭnictvie tankaŭ».

Hałoŭnaje, čym «Armata» adroźnivajecca ad kłasičnych tankaŭ, takich jak T-72, T-64 ci amierykanski M1 Abrams, tym, što puška staić u «niežyłoj» viežy, a ŭvieś ekipaž znachodzicca ŭ korpusie tanka, pad dadatkovaj abaronaj u vyhladzie braniravanaj kapsuły. Takija schiemy prapanoŭvalisia i na Zachadzie, i ŭ SSSR jašče ŭ 1970-80-ja hady, adnak bolš praktyčnaj inžynieram tym nie mienš urešcie padavałasia kłasičnaja kanstrukcyja tankaŭ.

Tank «Armata» i BMP na jaho šasi dahetul nie prajšli vajskovych vyprabavańniaŭ i, jak paviedamiŭ namieśnik kiraŭnika Vajenna-pramysłovaj kamisii RF Aleh Bačkaroŭ, jašče try hady projdzie pierad tym, jak pačniecca sieryjnaja vytvorčaść mašyn.

Z hetaj pryčyny zanadta rana rabić niejkija vysnovy adnosna realnych bajavych jakaściaŭ «Armaty», a prablemy z chadavoj častkaj niadaŭna zroblenaj mašyny absalutna zrazumiełyja.

Inšaja sprava — ci varta takija «syryja» mašyny pakazvać na paradach? Adnak, mahčyma, paśla 2014 hoda rasiejskaje kiraŭnictva paviało krainu ŭ bok usio bolšaj militarystyčnaj prapahandy i nie moža admovicca ad taho, kab tolki pavialičvać hradus isteryi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?