Pra heta paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Śviatłana Rybakova.
Photo by Ieva Bagdonaitė, WLL
«Na hetym tydni nadvorje ŭ Biełarusi mianiałasia z chaładnavataha z načnymi zamarazkami ŭ pačatku da ciopłaha ŭ siaredzinie i vielmi daždžlivaha ŭ kancy. U Dzień Pieramohi nadvorje palepšycca», - adznačyła jana.
U bližejšyja sutki, 8 maja, umovy nadvorja ŭ Biełarusi ŭ asnoŭnym budzie vyznačać frantalny raździeł, dniom pa zachadzie krainy budzie adčuvacca ŭpłyŭ vobłaści pavyšanaha atmaśfiernaha cisku. Nočču i ranicaj na bolšaj častcy terytoryi projduć daždžy, pa ŭschodzie - miescami mocnyja. Udzień daždžy buduć mieć karotkačasovy charaktar i čakajucca tolki va ŭschodnich rehijonach. Tempieratura pavietra ŭnačy składzie 5-10 hradusaŭ ciapła, dniom budzie ad plus 12 pa ŭschodzie da plus 19 hradusaŭ pa zachadzie.
U subotu, 9 maja, terytoryja krainy budzie znachodzicca pad upłyvam vobłaści pavyšanaha cisku, tolki na ŭschodzie zachavajecca ŭpłyŭ małaaktyŭnaha atmaśfiernaha frontu.
U bolšaści rajonaŭ istotnych apadkaŭ nie čakajecca, tolki dniom pa krajnim uschodzie Biełarusi mahčymy karotkačasovyja daždžy.
Tempieratura pavietra ŭnačy składzie 2—7 hradusaŭ ciapła, pa ŭschodzie — da plus 9, na hlebie i miescami ŭ pavietry zamarazki da 0 — minus 3.
Udzień pavietra prahrejecca da 15—20 hradusaŭ, pa paŭdniovym zachadzie — da 22 hradusaŭ ciapła.
Nie čakajecca istotnych apadkaŭ i ŭ stalicy. Tempieratura pavietra ŭ Minsku nočču budzie 2—4 hradusy vyšej za nul,
u navakolli horada na hlebie zamarazki da 0 — minus 3, dniom — 17-19 hradusaŭ ciapła.
U niadzielu na nadvorje ŭ Biełarusi pa-raniejšamu stanie akazvać upłyŭ vobłaść pavyšanaha atmaśfiernaha cisku. Budzie pieravažna biez apadkaŭ, udzień u krajnich zachodnich rajonach čakajucca karotkačasovyja daždžy, mahčymy navalnicy. Tempieratura pavietra nočču składzie 2—7 hradusaŭ ciapła, pa zachadzie — miescami da plus 9, na hlebie i miescami ŭ pavietry zamarazki da 0 — minus 3.
Dniom budzie 17-23 hradusy vyšej za nul.
11 maja ŭnačy na bolšaj častcy krainy zachavajecca ŭpłyŭ vobłaści pavyšanaha cisku, udzień nadvorje budzie vyznačać atmaśfierny front, što pieramiaščajecca z terytoryi Polščy. Nočču pa zachadzie, dniom miescami ŭ Biełarusi projduć karotkačasovyja daždžy, navalnicy. Tempieratura pavietra ŭnačy składzie 5-12 hradusaŭ vyšej za nul. Udzień budzie 15-22 hradusy ciapła.
12—13 maja nadvorje abumović u asnoŭnym vobłaść pavyšanaha atmaśfiernaha cisku i ciopłyja pavietranyja masy, što pastupajuć z paŭdniovaha zachadu Jeŭropy. U aŭtorak miescami projduć karotkačasovyja daždžy, dniom mahčymy navalnicy. Tempieratura pavietra nočču składzie ad 5 da 12 hradusaŭ vyšej za nul.
Udzień budzie 17—22 hradusy ciapła, pa poŭdni pavietra prahrejecca da 23—25.
U sieradu, 13 maja, budzie pieravažna biez apadkaŭ, tolki pa paŭnočnym uschodzie projduć karotkačasovyja daždžy, mahčymy navalnicy. Tempieratura pavietra nočču składzie 5-12 hradusaŭ ciapła. Dniom budzie 20-26 hradusaŭ vyšej za nul
