Maj tolki pačaŭsia, ale ŭžo znatna prajšoŭsia pa śviecie ekstremalnym nadvorjem.
Uviečary 5 maja na poŭnačy Hiermanii pačalisia ŭrahannyja viatry, što prynieśli zusim redkuju dla centru Jeŭropy źjavu — tarnada.
Paciarpieli kala 30 čałaviek, adzin zahinuŭ. Najbolš dastałosia horadu Biutcaŭ, dzie viecier pakryŭ vulicy roŭnym płastam dachoŭki, razbaŭlenym pavalenymi drevami.
Vyjava: Bo Wright via Twitter
Dla štata Akłachoma, ZŠA, tarnada — bolš zvykłaja źjava. Ale 7 maja ŭrahan prynies niečakanyja nastupstvy: u horadzie Tatł značna paciarpieŭ zaapark, ź jakoha vyrvalisia dzikija žyvioły.
Tyhry i inšyja źviery volna chadzili pa horadzie ciaham niekalkich hadzin. Paciarpiełych mienavita ad žyvioł niama, źviarej paśpiachova viarnuli ŭ kletki.
Karystalniki sacsietak prazvali zdareńnie #Tigernado i navat naładzili vypusk tematyčnych cišotak. Praŭda, fota samich tyhraŭ na vulicach Tatła nie znajści — adno fatažaby.
Fota: Tamay Özgökmen
Urahany zdarajucca i ŭ łabaratoryjach: Univiersitet Majami zaviaršyŭ budaŭnictva najvialikšaha ŭ śviecie simulataru ŭrahanaŭ SUSTAIN.
U basiejnie pamierami 23ch6ch2 mietry simulujucca naturalnyja chvali praz ustanoŭku mahutnaściu 1700 konskich sił i viecier chutkaściu da 250 km/hdz. Na bierazie basiejna — minijaciurnyja damy z datčykami, što sočać za efiektami ad urahanu.
Ahułam SUSTAIN kaštavaŭ 15 młn dalaraŭ. Ustanoŭka dapamoža jak daśledavać, tak i pradkazvać utvareńnie ŭrahanaŭ dy ich raźvićcio.
Hladzicie taksama: Ciahnik zdźmuła vietram z mosta VIDEA
