Niefarmalny samit lidaraŭ krain Sadružnaści Niezaležnych Dziaržaŭ, jakija ŭdzielničajuć va ŭračystaściach z nahody jubileju Pieramohi, projdzie 8 maja ŭ Maskvie pa inicyjatyvie prezidenta Rasii Uładzimira Pucina, paviedamili BiełTA ŭ pres-słužbie Kramla.
Na dadzieny momant svoj udzieł paćvierdzili prezidenty Biełarusi Alaksandr Łukašenka, Kazachstana Nursułtan Nazarbajeŭ, Kyrhyzstana Ałmaźbiek Atambajeŭ i Tadžykistana Emamali Rachmon, prainfarmavali ŭ Kramli.
Lidary padviaduć vyniki maštabnaj sumiesnaj raboty pa realizacyi płana pa padrychtoŭcy i śviatkavańni 70-j hadaviny Pieramohi savieckaha naroda ŭ Vialikaj Ajčynnaj vajnie, zaćvierdžanaha kiraŭnikami dziaržaŭ SND 14 lutaha 2014. Taksama budzie abmiarkoŭvacca realizacyja mier, namiečanych u ramkach abvieščanaha ŭ 2015 hodzie ŭ Sadružnaści Hoda vieteranaŭ.