Zhodna z rašeńniem Škłoŭskaha rajonnaha suda eks-kandydat u prezidenty na vybarach 2010 hoda Mikałaj Statkievič etapavany ź miascovaj papraŭčaj kałonii № 17 u mahiloŭskuju turmu № 4. Tam jon pavinien znachodzicca da kanca termina — 1 hod 7 miesiacaŭ 15 dzion.
«Siońnia ja datelefanavałasia ŭ kałoniju, dzie mnie padćvierdzili, što Mikałaj Statkievič etapavany ŭ turmu № 4 u Mahilovie, — paviedamiła jaho žonka Maryna Adamovič sajtu palityka. — Prajšło krychu bolš za 3,5 miesiacy z taho času, jak jon pakinuŭ hetu ŭstanovu. I zaraz iznoŭ u jaje viarnuŭsia. Pra datu etapu mnie havaryć u kałonii admovilisia, ale, miarkuju, heta adbyłosia ŭ toj ža dzień, kali adbyŭsia sud, dakładniej, u noč z 4 na 5 maja. Bo, nakolki mnie viadoma, u ich etapy pa paniadziełkach. Dy i śpiašalisia ž zavieršyć sud u adzin dzień niezdarma. Vidać, i sabracca tołkam nie dali, bo Mikoła znachodziŭsia ŭ PKT, a rečy jaho - ŭ atradzie. I tut deža viu. Hetak ža, u terminovym paradku, nie daŭšy sabracca, jaho etapavali ŭ 2012 hodzie».