U ruki redakcyi «Našaj Nivy» trapiŭ Android-płanšet Unicum 8 — adzin ź pieršych aparataŭ biełaruskaha brendu Flycat.
Płanšety z ekranami dyjahanallu 7, 8 i 10 calaŭ byli pradstaŭlenyja ŭ kancy krasavika i ŭžo źjavilisia ŭ prodažy.
Ceny na 7-calevuju madel blizkija da 180 dalaraŭ, na «vaśmiorku» — da 190, na «dziasiatku» — ad 235 dalaraŭ.
Adna z hałoŭnych asablivaściej Unicum — dva słoty dla sim-kartak. Usie try płanšety majuć IPS-ekrany razroźnieńniem 1280ch800. Jany pracujuć na čypie Mediatek MTK 8382 z 4-jadziernym pracesaram, hrafičnym paskaralnikam Mali 400 i 1 Hb apieratyŭnaj pamiaci. Svajoj pamiaci 16 Hb, padtrymlivajucca karty pamiaci da 32 Hb. Para kamier maje razroźnieńnie 5 i 0,3 Mp, jość uspyška, ale niama aŭtafokusu. Batareja ŭ 7-calevaj madeli maje jomistaść 3000 mAh, u 8-calevaj — 4000, u 10-calevaj — 7000.
